Hexennacht auf Reisen - Eiserner Hans Präludium

Grün war der Mond und schwarz das Gehölz das uns trug in die Nacht

An guata Zwerg bliebt in sina Khaz und got nit use. Es gibt oa Zit im Joha wo des no meha zuatrifft als da ganze Rest vom Joha: D Hexennacht. Und des wissen soga d Umgi.

Und trotzdem simma am Obend vor da Hexennacht zu ner Vault ufbrocha. Damit sollt ma si bewährn: Im Süden hom se nämli a Grob vo na alta Kultua gfunda, mit fremda Statua, und hoffentlich seltana Grabschätze. Damit i do mitmochn kunt, muasi bei dera Probereise zagn dass i mein Soid wert bin. Da Ernst Adolf von Hohenflur hot do an Trupp zämgstellt: I, da Koal mitm Gickie, an Niclas der gern mit Schwertan kuschelt und an Sieghill der so wie a usschot was vom Heila vastoht. Dazua da Herr Hohenflur und sin Gfährtn Bulbungo uf zwo schwarza, gepanzata Kutscha.

Tadelt uns ihr Götter für die Taten die wir vollbringen mussten

Mia sind am Obend los, sind di ganze Nacht durchgritta und hom nur mol Morga a kurze Pause gmacht fürd dringensta Gschäfte. Und do isch ma es erste mol richtig ufgfalla, dass di Umgi jo nit nur im Gsicht echt wenig Hoa hond, sondan an andara Stella o echt kahl sind! Noch na kurza Pause isch as aba wita ganga, s Ziel für hüt isch d Herberge da grüna Greife, ufm halba Weg zum Kronberg.

Zersch hots eh halbwegs guat usgschot, aba während i so us da Kutsche gschot hob, sind ma a paa Gestalten im Wald ufgfalla – Tiermenscha! Des isch so a Krankheit di in da Wälder vom Imperium uma isch, und di d Menscha in Tiere verwandelt. Also wirklich in Monsta mit Tierköpf und so, nit nur dass se sich wie Tiere beneahmen – des tuan se nämlich oft einfach so.

Eine Sperre, uns vor die Räder geworfen ließ uns hadern

Und kurze Zit späte simma gstanda, vor uns a paa Kutscha und nix got wita: Do isch a Engstelle, und di Tiermenscha hom do a paa Kutscha übafalla. Etzt vasperren di Übareste vo deana Kutscha n Weag, und niemand traut sich wita. Do wa a ganze Truppe zäm: Oane scheint sich da Lage halbwegs bewusst zum si und fangt a Kutscha so ufzumstella dass ma se vateidiga kann, oana kummt sich echt klug vor mit sina Flöte und mia mitta dina. Da Nomittag vastricht langsam, dHexennacht kummt näha und koa guate Khaz in Sicht, no nit mol a Taverne!

Da Hohenflur hot usagfunda dass ma wohl mehrare Möglichkeita hond: Do blieba, durch di Engstelle durch, im Wald um di Stelle uma oda schoa obs dean Bauanhof in da Nähe no gibt. Da Bulbungo und oana vo da andara, i glob es wa da Niclas, hom versuacht mit Anlauf und ohne Vorwarnung durchd Engstelle durch zum kumma, aba sie sind nur fast stecka blieba bevor ses wieda zruck zu uns gschafft hond. Danoch homma entschieda es durchn Wald zum probiera, mia hom uns denkt wita vorne sött dStroß jo wieda guat si, mia müassn nur um die blöde Stelle ume! Und das so langsam zum Dämman agfanga hot, homma gschot dass möglichsch viel vo da Lüt und da Kutscha do mitmachen: Mit circa dHälfte da Lüt uf fünf Kutscha, ganz vorna da Flötenspiela (des wa m Niclas wichtig) simma gstartet.

Von welchen Wegen sind wir abgekommen, wenn nicht vom gerechten

Und um koan Augenblick zfrüha! Kaum dass ma gschied im Wald warn, sind di Monsta üba di Zruckbliebena hergfalla. Ihre Todesschrei warn echt an guata Ansporrn…. Kurze Zit späta sind o die ersten Pfeile zu uns kumma: Da Flötenspieler isch troffa worda, und sine Kutsche hot fascht alle andra ufghebt. Aba da Koal isch wie an Aff us da Kutsche gsprunga und uf di vordaste Kutsche wieda ufe zumd Pferde atrieba. Da Sieghill hot des o probiert, und isch echt lang da Kutsche hintaher grennt bis a wieda ufe kumma isch! In da Zwischazit sind zwo vo deana Monsta uf unsere Kutsche ufgsprunga, und da Niclas und i hond mol s Schwert festheba müassa. Aba mia hom se wieda vo da Kutsche schupfa künna bevor se zviel Schada agrichtet hom.

Dort wo Licht durchs Blätterdach bricht ist nackter Wahnsinn freigelegt

S negste was ma seahnen isch dass as die Kutsche vom Flötenspiela mitm Koal und m Sieghill in Kleinholz zalegt, da Sieghill wies usschot tot und vo Monstan umstellt, da Koal im Sprint ufd negste Kutsche zua. Da Koal kummt elegant ufd Kutsche ufe, und i will n Sieghill ufd Kutsche zieha, aba schaffs nit ean zum Packa. Also versuach i m Niclas zum healfa n Sieghill zum packa, aba i hobs wohl zguat gmoant und da Niclas fliegt us da Kutsche use. Zum Glück kann a sich no mitm Fuaß wo ihänga, und schaffts denn n Sieghill am Bart zum Packa und sich mit eam zäm wieda ind Kutsche zum schwinga! Wie in na Gschicht die ma am Feua vazellt, aba es isch wirklich so passiert!

Triumph!? Haben wir sie zu Fall gebracht, oder blieb ein Stück von uns zurück im Forst...

Wo ma alle wieda uf na Kutsche warn, hot da Koal no mehr vo sina Pferdemagie gwirkt, und hot oans vo da Monsta einfach übafahra. So hommas gschafft usm Angriff use zum kumma, und wan endlich wieda ufm Weag in Richtung Taverne!