 |
| Im sylvanischen "Hungerwald" treffen Thorba, Syfryd und Hantsch auf den pelzigen Feind |
Zeavas Bragir und Vatschir,
i sitz grad in na astaunlich langwiligen Gruft und halt Wache. Hob ma denkt i kann dZit gnausoguat nutza zum euch schriba.
Im ersta Sumpfkaff nochdeam ma uns trennt hom hob i drei Lüt troffa di in di gliche Richtung wie i wolltn, und hob ma denkt do schliaß i mi a, zäm isch as jo doch sichara als aloanig! Zwerg, hob i mi täuscht! Di ziehn es Unglück a wie dScheiße Fliaga! Und was nit zu eana kummt, do stürzen se selba ine! I sägs euch, mi wundats echt, das as di no nit putzt hot!
Najo, aba etz mol alles da Reihe noch. Uf jedn Fall warn des an Ritter, und zwo Helfa vo eam, also nit angsehne Helfer, sondan einfach zwo Mä di mit eam unterwegs sind, und irgendwie in sinem Auftrag dabei sind oda so was. Sie warn uf da Suche noch sinem Knappn. Mia hom den o glei n Knappn gfunda, aba anscheinend n falscha – dean hot a irgendwie nit so möga. Ea wa o echt a kle tollpatschig, isch anscheinend in nem Netz hänga blieba und vom Pferd gfloga. Najo, denn homa uns uf die Suche noch m anderen Knappn gmacht, dean homma denn o in nem Turm gfunda, ohne Füaß und Händ, irgendwo ganz doba mit a paa Fledamüs zum räuchern ufghängt – aba no am Leaba. Er hot denn dRettung leida nit überleabt, und mia fascht o nit, weil da ganze Turm volla Rauch wa….
Sobald da Ritter – Sir Gregor hoaßt a - sich damit abgfunda hot dass dea wirklich nüm zum Retta isch, sima witta ganga. Ea hot vom Turm us a Dorf gsehna, und des wollt a unbedingt aschoa go, o wenns kla wa dass do niemand mehr isch - vor irgendna Bestie oda Hea oda so was gflohn, so gnau hot des koana gwusst. Sie hom soga gmoant, dass as sich vilicht um a Zwergenheer handelt! Uf jeden Fall simma ufm Weag ins Dorf no am Bua begegnet, do isch denn o es erste mol ufkumma, dass die vier Mä nit ganz suba im Kopf sind! Dean Bua hot a Bestie agriffa, groß, mit viel Hoa, und nem großa Mul mit viela Zäh! Und di hon sich alle voll heroisch uf die Bestie gstürzt! Des scheiß Viech hot uns fascht alle umbrocht! M Knappn – Glockrian hoaßt a wenn i mi richtig erinna – hots es halbe Gsicht weggrissa! Und der oane - Hansch, dea imma irgendwas vo irgendam Gott murmelt, kann anscheinend a kle heila, und hot dafüa gsorgt dass a nit gleich stirbt. M Sir Gregor hot des ga nix usgmacht, der hotn no zämgschissa. Najo, aba da Bua hot uns dafür zumindest vazellt was a gwusst hot, was halt o nit viel wa und dean Kampf echt nit wert.
 |
| Erinnerungsfetzen der Ereignisse im Traum Thorbas |
Denn simma in des Dorf ine – i vastand imma no nit ganz warum, aba da Sir Georg hot druf bestanda, und aloanig wollt i mit da ganzen Bestien und feindliche Heere und so o nit zruck blieba, also bin i halt mit. Es Dorf selba wa so guat wie leer, aba mia hom uns denn ufteilt zums durchsuacha. I bin mitm Sifried mit, der kann zumindest a kle schleicha und so, also der isch glob da brauchbarste vo der Truppe – wobei des etzt o echt nit schwierig isch! Najo, mia hom denn erst mol a paa Reita uf schwarza Pferde mit nem blauen Bär als Wappen gsehna – anscheinend irgendwas Bedeutendes das die do sind. Uf jeden Fall hom die do a Schriftrolle hintalo, und die hot den an anderer gholt. Deam simma den gfolgt, und in si Versteck kumma, irgend a Kellergwölbe, ursprüchlicha a Gruft oda so was, aba wa denn leida nix interessantes dina. Mit a hufa hin und her und vor und zruck homas denn alle zäm gschafft dean Spion zum übawinda und zum fessla. I wa grad dabei zum schoa ob er wenigstens was wertvolles dabei hot, als die andra entschieda hom er isch doch an Verbündeta und i darf nix vo sina Sacha nehama. Woas o nit wie se zu deam Entschluss kumma sind, aba i hob der Diskussion etzt o nit soo gnau zuaghört. Najo, i bin denn zruck bliaba, zum no schoa ob noml wer kummt, während di andra no irgendwas voll wichtigs und vermutlich o gfährlichs uskundschafta ganga sind. I werd no di Nacht do blieba, und wenn bis morga nix passiert mach i mi wieda ufn weag, aloanig, scheint ma doch sichera zum si als mit deana Lüt.
Schöne Grüaß und bis Bald,
Thorba
Keine Kommentare:
Kommentar veröffentlichen